Tulong sa Pagbabayad ng Iyong Bill - Healthcare Access Program (HAP)

EnglishEspañolTiếng Việt中文

繁體中文فارسیਪੰਜਾਬੀ

Maaari kang maging kwalipikado para sa tulong sa pagbabayad ng iyong mga bayarin mula sa County of Santa Clara Health System (CSCHS). Ang aming Healthcare Access Program (HAP) ay nagbibigay ng libre o may diskwentong kinakailangang mga serbisyong medikal at suplay sa mga karapat-dapat na mga pasyente na (1) hindi insured o (2) mayroong insurance at mataas na out-of-pocket na gastusing medikal. Ang mga aplikante at makakakuha rin ng libreng tulong para sa pag-apply para sa Medi-Cal, Medi-Cal presumptive eligibility, Covered California, at iba pang mga pampublikong programa sa pangangalagang pangkalusugan.

Ang isang pasyente ay maaaring maging karapatdapat para sa HAP kung sila ay mayroong kabuuang kita ng pamilya na mababa sa 650% ng Federal Poverty Line (FPL) AT naaangkop sa isa sa mga sumusunod na kategorya:

1. Ang pasyente ay walang health insurance (o iba pang mapagkukunan ng pambayad para sa mga kinakailangang serbisyong medikal o suplay); O
2. Ang pasyente ay mayroong insurance ngunit nagkaroon ng taunang out-of-pocket na gastos sa CSCHS na mas mataas sa 10% ng kasalukuyang kita ng pamilya o kita ng pamilya ng pasyente sa nakalipas na 12 buwan, alinman ang mas mababa; O
3. Ang pasyente ay mayroong insurance pangkalusugan ngunit sila at/o kanilang kapamilya ay nagbayad ng taunang out-of-pocket na gastusing medikal na mas mataas kaysa sa 10% ng pampamilyang kita ng pasyente.

Ang isang pasyente na nakakatugon sa isa sa mga kategorya sa itaas na ang pampamilyang kita ay nasa o mababa sa 400% ng FPL ay karapat-dapat para sa 100% diskwento sa mga kinakailangang serbisyong medikal o suplay. Ang isang pasyente na isang residente ng Santa Clara County at ang pampamilyang kita ay mataas sa 400% ngunit mababa sa 450%, 550%, o 650% ng FPL ay karapat-dapat para sa mga diskwento na 70%, 50%, o 25%, ayon sa pagkakabanggit.

Mangyaring bisitahin ang aspe.hhs.gov/topics/poverty-economic-mobility/poverty-guidelines upang hanapin ang mga gabay na FPL para sa mas malaking sambahayan.

PAANO MAG-APPLY PARA SA TULONG PINANSYAL

Hakbang 1: Kumpletuhin ang Aplikasyon sa CSCHS Tulong Pinansyal 

Ang aplikasyon ay makukuha mo sa scvh.org/bill-help. Hinihikayat ang mga pasyente na mag-apply sa lalong madaling panahon.

Hakbang 2: Kolektahin ang Lahat nang Kinakailangang mga Pansuportang Dokumento 

Ang pasyente ay kailangang magbigay ng isa sa bawat isa ng mga sumusunod na dokumento kasama ng kanilang aplikasyon:

1. Katibayan ng pagkakakilanlan (halimbawa: lisensya sa pagmamaneho, pasaporte, iba pang ID na mula sa pamahalaan, ID sa trabaho o paaralan, o katibayan ng kapanganakan at iba pang mga ID, tulad membership sa gym o Costco); at
2. Katibayan ng kita (halimbawa: kasalukuyang mga pay stub, income tax return).

Kung ikaw ay isang residente ng Santa Clara County at nais mong mag-apply para sa pangmatagalang tulong pinansiyal na tatagal ng isang taon, magpasa rin ng katibayan ng paninirahan (halimbawa: kontrata/lease/mortgage ng pangungupahan, utility bill, rehistro ng sasakyan. o deklarasayon ng kawalan ng matitirahan). Ang katibayan ng paninirahan ay hindi kailangan para maging kwalipikado sa pangangalagang pangkawanggawa o diskwento sa pagbayad.

Ang pagiging karapat-dapat para sa ilang mga healthcare coverage program ay maaaring mangailangan ng karagdagang dokumentasyon. Ang mga aplikante ay bibigyan ng instruksyon anong mga dokumento ang ibibigay, kung kinakailangan.

Hakbang 3: Ipasa ang Iyong Kumpletong Aplikasyon at Pansuportang Dokumento sa CSCHS

Ang mga kumpletong aplikasyon kasama ang lahat ng kinakailangang mga dokumento ay maaaring i-fax sa 408-494-7848, na ipapadala sa ng Serbisyon Pinansyal sa Pasyente (770 S. Bascom Avenue, San Jose, CA 95128), o ipadala sa e-mail sa [email protected]. Kung pipiliin mong padalhan kami ng e-mail, iminumungkahi naming i-encrypt ang iyong mensahe upang protektahan ang iyong privacy at seguridad ng iyong personal na mga dokumento.

Ang mga karapat-dapat na residente ng Santa Clara County ay maaaring maging kwalipikado para sa HAP sa loob ng isang-taong panahon (maliban kung sila ay kwalipikado para sa third-party na mapagkukunan ng pambayad para sa mga serbisyong pangangalaga sa kalusugan). Ang mga karapatdapat na hindi residente ng County ay dapat mag-apply para sa HAP sa bawat panahong makakatanggap sila ng pangangalaga mula sa CSCHS. Ang mga pasyente ay maaaring mag-apply para sa tulong pinansyal at iba pang healthcare coverage, gaya ng Medi-Cal o Covered California, nang sabay.